Slayd tartibidagi roʻyxatlar
Raqamlar bir rasmda ketma-ket boʻlgani uchun oson yodlanadi — ilovada ham aynan shu tartibda, 01, 02, 03 bilan turadi. Bir ustunni yoping va yuqoridan pastga eslang.
Darsdan keyingi uy vazifasi — bitta joyda, tartib bilan.
Oʻqituvchi yuborgan slaydlar, vazifa matni va darslik audiosi slayddagi tartibda raqamlangan roʻyxatlarga aylanadi. Har bir iyeroglifni chiziq tartibida barmoq bilan yozasiz, tonlar va pinyinni mashq qilasiz.
Bepul · reklamasiz · telefon va kompyuterda · internetsiz ham ishlaydi
学
9 574iyeroglif chiziq tartibi bilan
4til: oʻzbek, ingliz, rus, xitoy
HSK 1boshlovchilar darajasi
0reklama — va bepul
Ilova ichida
Qidiring, chiziq tartibida yozing, tonni toping, dialogni tinglang — hammasi bir ilovada.
Nima qiladi
Chiziq tartibi bilan yozish
Avval chiziqlar tartibini koʻrasiz, keyin kulrang ustidan, soʻng yoddan barmoq bilan yozasiz. Xato chiziq darhol koʻrsatiladi.
Tonlar va pinyin
Ton testi boʻgʻinni aytib beradi — siz tonini tanlaysiz. Pinyinni terib (ni3 → nǐ) yoki qoʻlda yozib mashq qilasiz.
Qidirish
Istalgan soʻzni iyeroglif, pinyin (tonsiz ham) yoki tarjimasi boʻyicha toping — va darhol chiziq tartibida yozing. Darsda boʻlmagan iyeroglifni ham.
Dialoglar — podkastdek
Darslik audiosi ketma-ket eshitiladi: aytilayotgan gap yonadi, gapni bossangiz faqat oʻshasi eshitiladi. Sekinlatish va takrorlash uchun pauza bor.
Vazifa — reja boʻladi
Oʻqituvchining vazifa matni soʻzma-soʻz koʻrsatiladi, yonida nima qilish kerakligi: daftarga yozish, yodlash, ilovada yozish, gap tuzish.
Gap mashinasi
Oʻtilgan feʼllardan hamma gaplar tuziladi: darak, inkor 不, soʻroq 吗, A不A, 什么 — pinyin bilan.
Toʻrt tilda
Ilova oʻzbek, ingliz, rus va xitoy tilida ishlaydi — tilni bir bosishda almashtirasiz. Dars mazmuni oʻqituvchi yozganidek qoladi.
Qanday ishlaydi
- Darsdan keyin slayd rasmlari, vazifa matni va audiolarni ilovaga qoʻshasiz.
- Ilova oʻqiydi: har bir rasm roʻyxatlarga ajraladi, tartib saqlanadi, vazifa rejaga aylanadi. Siz asl rasm bilan solishtirib, Saqlashni bosasiz.
- Mashq qilasiz: Bugun ekrani nimadan boshlashni koʻrsatadi — keyingi iyeroglif, vazifalar, xato qilinganlar.
Oʻqituvchi uchun
Sizdan yangi hech narsa talab qilinmaydi: slayd va vazifani odatdagidek yuborasiz. Ilova ularni talaba uchun tartibli mashqqa aylantiradi.
Vazifa hisoboti
Talaba bitta tugma bilan Telegramʼda hisobot yuboradi: qaysi vazifalar bajarildi, nechta iyeroglif chiziq tartibida yoddan yozildi, qaysi soʻzlar qiyin boʻldi.
Butun guruh uchun bitta dars
Bir talaba darsni kiritsa, havola orqali guruhga ulashadi. Guruhdoshlar hisob ochmasdan xuddi shu roʻyxatlar bilan mashq qiladi.
Sizning soʻzlaringiz oʻzgarmaydi
Vazifa matni soʻzma-soʻz koʻrsatiladi. Rasmni oʻqishda shubhali joy chiqsa (masalan, ton belgisi), ilova uni alohida belgilaydi.
Darslik bilan bir xil
Darslik audiosi oʻz dialogiga bogʻlanadi va gapma-gap tinglanadi. Talaba darsdagi gapni darsdagi ovoz bilan takrorlaydi.
Yangiliklar RSS obuna
- 4 til va qidirish
Ilova endi oʻzbek, ingliz, rus va xitoy tilida. Yangi Qidirish: soʻzni iyeroglif, pinyin yoki tarjimasi boʻyicha topib, darhol chiziq tartibida yozing. Ilova tezroq yuklanadi, ovoz sozlamalari qoʻshildi.
- Dialoglar
Darslik audiosi podkastdek ketma-ket eshitiladi: aytilayotgan gap yonadi, gapni bosib faqat oʻshani eshitish, sekinlatish va takrorlash uchun pauza.
- Oʻqituvchiga hisobot va guruhga ulashish
Vazifa hisobotini bitta tugma bilan Telegramʼda yuborish va darsni havola orqali guruhdoshlarga ulashish.
Savollar
Bu bepulmi?
Ha. Bu shaxsiy loyiha, reklama yoʻq. Sahifaga kirishlar soni anonim hisoblanadi (GoatCounter, cookieʼsiz) — shaxsingiz haqida hech narsa yozilmaydi.
Roʻyxatdan oʻtish kerakmi?
Mashq qilish uchun — yoʻq: darslar va natijalar qurilmangizda saqlanadi. Guruhdoshingiz ulashgan darsni havola orqali qoʻshasiz. Bir nechta qurilmada sinxronlash va rasmlarni avtomatik oʻqish hozircha faqat muallif hisobida.
Telefonda ishlaydimi?
Ha. Safari yoki Chromeʼda oching va Bosh ekranga qoʻshishni bosing — oddiy ilovadek ochiladi va internetsiz ham ishlaydi. Kompyuterda (Mac, Windows) klaviatura bilan ishlaydi.
Qaysi tillarda?
Ilova tugmalari va matnlari — oʻzbek, ingliz, rus va xitoy tilida. Tilni yuqoridagi menyudan tanlaysiz.
Qaysi darslik uchun?
Boshlovchilar uchun, HSK 1 darajasi (hozir 新HSK教程1 bilan ishlatilmoqda). Istalgan kursning slaydlari bilan ishlaydi.
Dars materiallari qayerda saqlanadi?
Qurilmangizda va (hisobga kirilsa) yopiq hisobda. Hech narsa ochiq internetga chiqarilmaydi.
Har kuni oz-ozdan, tartib bilan.
Ilovani ochish